Yeni Balakən qəzeti

1

Bu gün, 1 İyunda daha bir istedadımızı, Rauf Hədisov adına Yeni Şərif kənd tam orta məktəbinin 9-cu sinif şagirdi Xacay Əhmədiyevanı,daha doğrusu onun ilk yazısını təqdim edirəm.Xacayı biz Balakən rayonunda keçirilən tədbirlərdən,tədbirlərin bacarıqlı,qabiliyyətli iştirakçısı olaraq tanıyırıq.O, tədbirlərdə gözəl nitq söyləyir,şeirlər səsləndirir,qəşənq rəqs edir.Bundan əlavə sosial şəbəkə hesabındakı səhifəsində öz “istehsalı” olan qısa film-roliklərlə çıxış edir.Yəni ssenarini özü yazır,özü səhnələşdirir,bütün rolları özü oynayır,özü də telefonu ilə çəkir.Həm senarist,həm rejissor,həm aktyor həm də operatordu.Tək əldə beş barmağın hər barmağında bir mərifət..Xacaydan birində soruşdum ki,gələcəkdə kim olmaq,hansı peşəyə yiyələnmək istərdin?-Jurnalist olmaq istərdim-dedi.Və gördüm ki,Xacay sözün,məntiqin,tərzin,kəlam elminin kökünə enmək istəyir..Doğma Balakənimdə belə düşünən bir istedadın varlığına sevindim və Xacayın bu sahədə ilk addımlarını atmasını,dünən Şərif kəndində açılan park barədə Qabaxçöl sakininin təəssuratını yazmasını,bu yazını da “Yeni Balakən” qəzetində Xacayın ilk yazısı olaraq vermək istədim.(hələ bu yazı ayaqüstü yazılıb)

Ramazan Abal

                                       Mənim parkım
Qabaqçölün Şərif kəndində yeni bir parkın açılışı kənd sakinləri üçün sevindirici bir hadisə oldu. Təzə salınmış bu park, kəndin abadlaşdırılması istiqamətində atılmış mühüm addımlardan biridir. Park müasir tələblərə cavab verən şəkildə dizayn olunub. Burada həm uşaqlar, həm də böyüklər üçün müxtəlif istirahət guşələri yaradılıb. Parkın ərazisində dekorativ ağaclar və gül kolları əkilib. Gecə vaxtı parkın işıqlandırılması xüsusi diqqətlə təşkil olunub. Park ərazisinə çəkilən asfalt yollar və oturacaqlar hər kəsin rahatlığı üçün nəzərdə tutulub. Park kəndin mərkəzinə yaxın yerdə yerləşdiyi üçün əlçatanlığı da yüksəkdir. Açılış mərasimində yerli sakinlərlə yanaşı, icra nümayəndələri də iştirak etdilər. Onlar parkın istifadəyə verilməsini kəndin sosial inkişafı baxımından müsbət dəyərləndirdilər. Sakinlər yeni parkın uşaqlar üçün təhlükəsiz və səmərəli istirahət yeri olduğunu bildirirlər. Park həm də kəndin ümumi görünüşünə gözəllik qatıb. Yaşıllıqlar arasında dincəlmək istəyən hər kəs üçün bu park əvəzsiz məkandır.  Yeni park Şərif kəndinin simasını dəyişən, gələcəyə ümid verən bir layihə kimi qiymətləndirilir. Belə təşəbbüslərin davamlı olmasını arzu edirik və parkin salınmasında əsas rol oynayan Qabaxçölün,kəndin xaricdə yaşayan iş adamlarına,zəhməti olan hər kəsə  bütün kənd sakinləri adından öz dərin təşəkkürümü bildirirəm!!
                                                                                                 Xacay Əhmədiyeva

1

1 İyun Uşaqların Beynəlxalq Müdafiəsi Günüdür.1 iyun uşaq bayramından yazmayacağam,1 iyunda Balakənimin istedadlı uşaqlarından yazaraq onları tanıtmaq istəyirəm.

Səadət Çerçiyeva Nizami adına Balakən şəhər 1 saylı tam orta məktəbin 9-cu sinif şagirdidir,rus sektorunda oxuyur.Ölkəmizdə keçirilən müsabiqələr adətən azərbaycan dilində olur.Səadət bir çox müsabiqələrdə iştirak edib,iştirak etdiyi müsabiqələrin də qalibidir.Balakəni qürurla təmsil edərək yer tutmuş, rayona yüksək titulla,adla qayıtmışdır.Onun qatıldığı müsabiqələrdən biri,2007-ci ildən hər il 10 mayda Heydər Əliyevin anadan olması münasibətilə təşkil olunan 3 mərhələdən ibarət “Ən yaxşı təqdimat” müsabiqəsidir.Bu il ulu Öndərin anadan olmasının 102-ci illiyinə həsr olunmuş müsabibiqənin 1-ci mərhələsini Balakəndə,2-cini Şəkidə və finalı Bakı şəhərində keçib, yer tutub qalibiyyətlə başa vuran Səadət Çerçiyeva və digər yer tutanların elə Bakı şəhərində Təhsil naziri,YAP sədrinin müavini və digər hörmətli qonaqların iştirakı ilə keçən möbətər tədbirdə təltif və təqdimatları oldu.Səadətin mükafatını və hədiyyəsini MÜTDA-nın rəhbəri Eşqi Bağırov təqdim etdi. Təhsil naziri Emin Əmrullayev,YAP sədrinin müavini Əli Əhmədov və digər hörmətli qonaqlar əlini sıxaraq təbrik etdilər.Əlbəttə onlar da fərqində idilər,təhsilini rus dilində alan Səadət azərbaycan dilində belə mükəmməl təqdimat hazırlamışsa-bu sırf istedaddır…

“Ən yaxşı təqdimat” müsabiqəsi böyük tədbirdir və respublikanın tamamını əhatə edir.Bu istedadların yarışıdır və ordan qalibiyyətlə,diplomla,qiymətli hədiyyə ilə Balakənimə qayıdan Səadət Çerçiyevanı bütün Balakənlilər adından təbrik edir,rayonumuzun adını savadda,bilikdə,istedadda önə çıxardığı üçün təşəkkür edirik.

1

Bu gün Balakən rayon Mədəniyyət Mərkəzi, Təhsil Sektoru və Uşaq kitabxana filialının birgə təşkilatçılığı ilə 1 İyun – Uşaqların Beynəlxalq Müdafiəsi Günü münasibətilə “Balaca dünyaların böyük bayramı” adlı bayram şənliyi təşkil olunub.

Tədbir çərçivəsində Uşaq kitabxanası tərəfindən maraqlı kitab sərgisi təqdim olunub, Mədəniyyət Mərkəzinin könüllüləri müxtəlif personajlar obrazında uşaqlarla əyləncəli oyunlar keçiriblər, Təhsil Sektorunun hazırladığı musiqili nömrələr isə tədbirə xüsusi rəng qatıb.

Uşaqların sevinci, rəngarəng çıxışlar və səmimi ab-hava tədbiri unudulmaz bayrama çevirib.

1

Balakəndə 28 May-Müstəqillik Günü ilə əlaqədar silisilə tədbirlər keçirildi:Mədəniyyət Mərkəzində,Heydər Əliyev mərkəzində,məktəblərdə o cümlədən də Balakən RMX-da.28 May – Müstəqillik Günü münasibətilə Balakən Rayon Mərkəzi Xəstəxanasında təntənəli tədbir keçirilib. Tədbiri xəstəxananın direktoru Dilbər Quliyeva açaraq, Azərbaycan Xalq Cümhuriyyətinin yaranma tarixi və dövlət müstəqilliyimizin əhəmiyyəti haqqında geniş məlumat verib. O, çıxışında Azərbaycanın suverenliyinin qorunması naminə atılan addımları vurğulayıb, bu əlamətdar günün xalqımızın tarixində mühüm yer tutduğunu qeyd edib.
Daha sonra Balakən Rayon Səhiyyə İşçiləri Həmkarlar İttifaqı Şurası adından Burhan Əhmədov çıxış edərək tədbir iştirakçılarını Müstəqillik Günü münasibətilə təbrik edib. O, çıxışında 28 May tarixinin xalqımız üçün müstəsna əhəmiyyət daşıdığını, müstəqilliyimizin əldə olunması uğrunda göstərilən mübarizənin bu gün də böyük dəyər kəsb etdiyini bildirib.

1

Hardasa iki il olardı ki,Balakən RMX-nın açılşından(08.07.2010) bu yana işləyən rentgen aparatı xarab olmuş,işləmirdi.Balakən MRX-ya rentgen müayinəsi ilə əlaqədar çox sayda vətəndaş müraciət edir.Rentgen müayinəsi üçün gələnlərin böyük əksəriyyəti məcburən qonşu rayona göndərilir,az bir hissəsi də hansı ki,yüngül müayinə tələb olunanlar anbarda qalan 70-80-ci illərin portativ kiçik rentgen cihazı ilə müayinə olunurdu.Bu iki ilin hər ayı direktor Dilbər xanım Quliyeva aidiyyatı təşkilatlara məktubla,telefonla müraciət edərək xarab olmuş rentgen cihazının ya təmirini ya da yenisi ilə əvəzlənməsini xahiş və tələb edirdi.Düzdür,aidiyyatı orqanlar təmir məsələsində konkret addım ata bilməsələr də,başqa yerlərin anbarlarındakı işlənmiş cihaz təklif edirdilər.Amma Dilbər xanım səbirli və uzaq görən insandı.O,yaxşı bilir ki,işlənmiş cihazın da sonu yaxın və cari cihazın taleyi ilə bənzər olacaq..

Nəhayət,həqiqətən Balakən səhiyyəsinin təəssübünü çəkən,dövlətin balakənlilərə verdiyi səhiyyə xidmətini ən yüksək səviyyədə təşkil etməyə,çatdırmağa çalışan direktor Dilbər xanımın əzmi sayəsində bu gün Balakən RMX-da ən son texnologiya məhsulu olan digital rentgen cihazı quraşdırılaraq balakənlilərin istifadəsinə verildi,rentgen müayinəsi üçün xidmətə başladı.Yəni rentgenimiz düzəldi,artıq başqa rayonlara getməyə ehtiyac yoxdur.

TƏBİB-dən aldığımız məlumatla onu da öyrəndik ki,Balakən RMX-ya gətirilib quraşdırılan rentgen aparatı bu sahədəki texnologiyanın ən son və üstün modeli olub,respublikada cəmi iki ədəddir.Biri Bakıda “Semaşkoda” digəri isə Balakən RMX-da.Bu xoş xəbəri eşidən rayon sakinləri “Yeni Balakən” qəzeti vasitəsilə TƏBİB-ə təşəkkür edir,rayonun səhiyyəsində xidməti,zəhməti olanlara minnətdarlığını bildirir.Balakənimizə xeyirli,vətəndaşlarımıza şəfa üçün vəsilə olsun.

3

2025-ci ilin avqust ayında Azərbaycan ədəbiyyatının görkəmli nümayəndəsi, Xalq şairi, dramaturq, ədəbiyyatşünas, pedaqoq və ictimai xadim, SSRİ və Azərbaycan Respublikasının Dövlət mükafatları laureatı, akademik Bəxtiyar Mahmud oğlu Vahabzadənin anadan olmasının 100 ili tamam olur.

Bu münasibətlə Azərbaycan Respublikasının Prezidenti İlham Əliyevin 21 fevral 2025-ci il tarixli sərancam imzalamışdır:

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, milli ədəbi fikir xəzinəsinə qiymətli töhfələr bəxş etmiş söz ustası Bəxtiyar Vahabzadənin 100 illiyinin qeyd olunmasını təmin etmək məqsədilə qərara alıram:

1. Azərbaycan Respublikasının Mədəniyyət Nazirliyi Azərbaycan Respublikasının Elm və Təhsil Nazirliyi ilə birlikdə, Azərbaycan Yazıçılar Birliyinin təklifləri nəzərə alınmaqla, Xalq şairi Bəxtiyar Vahabzadənin 100 illik yubileyinə dair tədbirlər planı hazırlayıb həyata keçirsin.

2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

Belə məsələlərdə hər zaman öndə və aktiv olan Balakən Uşaq İncəsənət Məktəbi,Bəxtiyar Vahabzadənin 100 illiyi münasibətilə Şəki şəhərinə Bəxtiyar Vahabzadənin ev muzeyinə ekskursiya təşkil etdi.Ekskursiya konsert tədbirində Balakən UİM müəllim və şagird kollektivi,məktəbin xor kollektivi,xalq çalğı alətləri ansambılı iştirak etdilər.Şairin ev muzeyi,yaradıcılığı ilə tanışlıq,onun oturduğu,yazıb yaratdığı,qonaq qarşıladığı məkanı,ona məxsus şəxsi əşyaları canlı görmək,bütün bunları Bəxtiyar Vahabzadənin 35 illik dostu olmuş Elşən Zəkəriyyəbəylinin dilindən,təqdimatında eşitmək iştirakçılarda xoş təəssuratlar,unudulmaz xatirələr yaratdı.Balakən UİM-nin xor kollektivi və xalq çalğı alətləri ansambılının ev muzeyinin həyətində verdiyi konsert iştirakçılar,şairin qonşuları tərəfindən maraqla,alqışla qarşılandı..

Şairin o kiçicik,xudmani evində yaşadıqlarını,çay qonaqlığını,Bəxtiyar Vahabzadəgilə olan bu şirin ekskursiyanı iştirakşılar həyatın yaşanmış mənalı bir günü olaraq xatırlayacaq,heç zaman unutmayacaqlar.

1

Bir neçə gün öncə daha bir mədəniyət sahəsində çalışan əməkdaşımız olan,Yeni Şərif Kənd Sənətkarlıq evinin müdiri Həsənova Elmira Rəsul qızının 65 yaşı tamam olraq təqaüdə çıxdı.

Elmira xanım ilk əmək fəaliyyətinə 1980-cı ildə kolxozda başlayıb.1998-ci ildə kolxozda ən son vəzifəzi arxiv müdiri olan Elmira Rəsul qızı 2000-ci ildən Yeni Şərif Sənətkarlıq Evinin müdiri vəzifəsində çalışıb.Bu il 9 mayda 65 yaşı tamam olub avtomatik olaraq təqaüdə çıxan Elmira xanım 25 il mədəniyyət sahəsində çalışıb.Çalışdığı hər yerdə kollektivin hörmətini qazanan Elmira xanım iş yoldaşları,mədəniyyət mərkəzinin nümayəndələri,dostları,qohumlarının da iştirak etdiyi “iş həyatına vida” tədbiri ilə həm 65 illik yubileyi qeyd edildi həm də təqaüdə uğurlandı..

Elmira xanıma uzun ömür,cansağlığı arzu edirik.Ola bilər o işdən gedir amma dostluğumuzda,yoldaşlığımızda,ürəyimizdə qalır.Elmira xanımı indidən sonrakı mədəniyyətimizin bütün tədbirlərinin həm fəxri qonağı,həm də iştirakçısı kimi görmək diləyilə..

0

20 may, 23 il mədəniyyət sahəsində çalışan,bizim hörmətlimiz Ramazan Çobanovun doğum günüdür.65 yaşı tamam olur.”Balakən” sarayda Ramazan Çobanovun yubiley tədbirindəyik.Mədəniyyət sahəsi elə bir sahədir ki,burda hər şey elə özündən düzəlir: Oxuyanı,ifa edəni,rəqs edəni,masabəyisi,xanəndəsi,ansamblı və sairəsi.Böyük,gözəl tədbirdə rayondakı mədəniyyət müəssisələrinin nümayəndələri, hətta qonşu rayonların mədəniyyət müəssisələrinin rəhbərləri,nümayəndələri də iştirak edirlər.Arzu Ocaqverdiyevin aparıcılığında keçən məclisdə ilk söz Şəki-Zaqatala Regional Mədəniyyət İdarəsinin rəisi Emil Bədəlova verilir. Emil müəllim Ramazan Çobanov barədə danışaraq onun fəaliyyətini qiymətləndirdi, ona idarə adından “Təşəkkürnamə” və hədiyyə təqdim etdi.Növbə ilə qonaqlar söz dedilər,yubilyarı təbrik edərək ən xoş,səmimi diləklərini çatdırdılar.Tədbir iştirakçıları qabiliyyətli sənətkarlarımızın ifasında gözəl mahnılar,şeirlər dinlədi,rəqs etdilər..

Ramazan Çobanov uzun illər mədəniyyət sahəsində öz dürüstlüyü,bacarığı ilə seçilərək fəaliyyət göstərən nümunəvi biri olaraq hər kəsin hörmətini,sevgisini qazanmış,rayondan kənarda da hörməti olan,xətri sayılan insandır.Ramazan iki oğul atası,dörd nəvə babası,gözəl ailə başçısı,nəsil ağsaqqalıdır.Şərəfli ömür yolu keçən Ramazan Çobanovun həyatdakı dəsti-xətti,ailədə göstərdiyi nümunə bu gün övladlarının,ailə fərdlərinin timsalında,simasında açıq görünür.

Bilirsiz,(müəyyən oliqarxlar xaric) 65 yaş hər yerdə,hər işdə iş fəaliyyətinin son həddi,son yaşıdır.Bu yaşdan sonra təqaüdə çıxılır avtomatik olaraq.Hələ indidən sonra da uzun müddət işləyə biləcək gücə sahib olan Ramazan müəllim,bu gün həm də təqaüdə yola salınır,uğurlanır.Bu da gözəl bir şeydir ki,65-i işdə tamamlayasan və işdən birbaşa təqaüdə çıxasan.Heç də hamıya qismət olmur.Qismətində belə gözəlliklər olanlar xöşbəxt insanlardır..

Yubilyara 100-cü ad gününü görməyi,sağlam,gümrah,ailəsi və sevənləri,dostları ilə birgə qeyd etməyi arzu edirik.Əlbəttə əmək müqaviləsi ilə olmasa da,mənəvi bağlarla səni uzun illər Balakən mədəniyyətində görmək diləyilə..

1

Azərbaycan xalqı bu gün əsrlər boyu arzusu ilə yaşadığı, mübarizə apardığı müstəqil, suveren, qalib dövlətə sahibdir. Qəhrəman əsgər və zabitlərimizin, şəhidlərimizin qanı hesabına xalqımızın milli sərvəti sayılan ərazi bütövlüyümüz, suverenliyimiz tam bərpa olunub. Bütün ölkə ərazisində konstitusiya quruluşumuz bərqərar edilib. Bu il, müəllifi ümummilli liderimiz Heydər Əliyev olan Milli Konstitusiyamızın qəbul edilməsinin 30-cu və Prezident, Müzəffər Ali Baş Komandanın rəhbərliyi ilə Vətən müharibəsində qazanılmış tarixi qələbəmizin 5-ci ildönümünüdür. Bu məqsədlə Azərbaycan Respublikasının Prezidenti cənab İlham Əliyev 28 dekabr 2024-cü il tarixdə Azərbaycan Respublikasında 2025-ci ilin “Konstitusiya və Suverenlik İli” elan edilməsi haqqında sərəncam imzalayıb.
Bununla və Heydər Əliyevin 102 illiyi münasibətilə Balakəndə,YAP Balakən təşkilatının inzibati binasında böyük tədbir keçirildi.İştirakçılar ilk öncə “Konstitusiya və Suverenlik İli” ilə əlaqədar təşkil olunmuş sərgiyə baxdılar. Dövlət himni ilə başlayan tədbirdə ulu öndər Heydət Əliyevin və Vətən uğrunda canından keçən şəhidlərimizin xatirəsi bir dəqiqəlik sükutla anıldı. Rayon icyimaiyyətini əhatə edən tədbiri rayonun siyasi rəhbəri Azad Balayev açaraq iştirakçıları salamladı,tədbir barədə məlumat verərək,sözü Balakən RİH Başçısı İslam Rzayevə verdi.İ.Rzayevin geniş dolğun çıxışı YAP-ın yaranmasından,ulu öndərin hakimiyyətə gəlməsindən,fəaliyyətindən,konistitusiyanın qəbulundan bu yana onun siyasi kursunun davamçısı cənab İlham Əliyevin rəhbərliyində Azərbaycanın ərazi bütövlüyün,suverenliyin tam bərpası və bu gün uğurla davam edən dövlət idarəçiliyinə qədər mövzularla zəngin idi.Çıxş edən natiqlərdən Leyla Əliyeva,Rəşid Musayev,Azər Kərimov ulu öndərin əvəzsiz xidmətlərindən,cənab Prezident İlham Əliyevin bu günkü gözəl işlərindən,Azərbaycanın dünya dövlətləri içərisindəki nüfuzundan,gücündən,yüksəldiyi məqamlardan bəhs etdilər.
Tədbirdə YAP Balakən veteranları,şəhid ailələrinin nümayəndələrindən bir neçə nəfəri “Konstitusiya və Suverenlik İli”,Heydər Əliyevin anadan olmasının 102 illiyi münasibətilə qiymətli hədiyyələrlə mükafatlandırıldı.Ənənəvi olaraq YAP Balakən təşkilatının hər tədbirində olduğu kimi bu tədbirdə də YAP sıralarına yeni daxil olanlara partiya bileti təqdim edildi.
Tədbirin ikinci hissəsi YAP veteranları,şəhid ailəsi nümayəndələri və digər mükafatçılarla çay stolu arxasında davam etdi..
Yeni Balakən

3

Müharibə,Əmək və Silahlı Qüvvələr Veteranları Təşkilatının sədri polkovnik Cəlil Xəlilov Balakəndə 1941-45 Böyük Vətən Müharibəsinin,zonada yeganə sağ qalan,101 yaşlı veteran olan İosif Pavloviç Perekrestovu ziyarət etdi.Görüşdə Balakən RİH-in başçısı İslam Rzayev,SHXÇDX Balakən şöbəsinin rəisi polkovnik Ramil İsmayılov və əməkdaşları,Veteranlar təşkilatının Balakən şöbəsinin sədri Abid Mamedov iştirak etdilər.101 yaşlı veterana Faşizm üzərində Qələbənin 80 illiyinə təsis edilmiş medal,pul mükafatı və digər hədiyyələr təqdim edildi.Eşitməsində problemi olsa da cavablamasında sərrast və dəqiq idi veteranımız..

Qarşıdan 9 May Faşizm üzərində Qələbənin 80 illiyi gəlir.Umarız ki,Qəbələ-Balakən zonasının yeganə təmsilçisi,o arıqlamış,kiçilmiş bədəniylə bu günlərə canlı gətirdiyi tarixin daşıyıcısı,özü də o tarixin əmanəti,yadigarı olan II Dünya Müharibəsinin Balakənli veteranı İosif Pavloviç Perekrestovla yetərincə maraqlanar,gərəkən diqqət və qayğı göstərilər.

Ramazan Abal.

0

Tərəqqipərvər bəşəriyyət Böyük Vətən Müharibəsində alman faşizmi üzərində qələbənin 80 illiyini qeyd edir. Bu tarixi qələbənin qazanılmasına 416-cı Taqanrok Diviziyası sıralarında mərdliklə vuruşan Azərbaycan oğullarının da öz payı vardır. Belə oğullardan biri də qələbəni, Berlinin Brandenburq Darvazasında-Reyxstaqın girişində qarşılayan həmyerlimiz Umaxan Xəlilovdur.
Xəlilov Umaxan Abaas oglu 14 aprel 1924-cü ildə Qabaqcöl kəndində anadan olub.Qabaqçöl orta məktəbində oxuyub.O dövrdə məktəb Azərbaycan-avar məktəbi adlanırdı.O təhsilini dəvam etdirməklə yanaşı atasının sədr olduğu “Yeni Həyat” kolxozunda da çalışırdı. Uşaqlıqdan xirurq olma arzusu ilə yaşayırdı.
1942-ci ildə,doğum günündə,hələ məktəbi bitirməyə 2 ay qalmış orduya cağrılır. Hərbi xidmətini Orcenekidze şəhərində,90-cı atıcı divizyasında başlayır.1943-cü ilin fevralında 416-cı Taqanrok divizyasına köcürülür və tibbi təlimatcı kimi çalışır.Cəbhədə yaralıları xilas etmək ücün göstərdiiyi misilsiz şücaətinə görə komandanlıq ona xüsusi rəğbət bəsləyirdi. Umaxan Sovet Ittifaqı Marşalı Zukovla üç dəfə görüşmüşdü. Marşal ilk dəfə gələndə yaralıları yoluxur, Umaxandan adını, milliyətini soruşur. Sonra “avarets-avarets” deyə təkrar edərək əlavə edir:”Qocaq, mərd insanlardır.Şamil nəsli, güdrətli nəsildir. Şeyx Şamil özü tarixin ən böyük və istedadlı sərkərdəsi idi”. Marşal  Zukov ayağının yarasını Umaxana baglatdırar, ona “Malenkiy doktor” deyərdi.
Mozdokdan, Melitopdan Berlinə qədər uzun döyüş yolu keçən Umaxan Xəlilov Ukraynanın, Avstriyanın, Polşanın azad edilməsində iştirak edir. Qələbəni mayın 2-də Berlinin Brandenburg Darvazasında, Reyxstaqın girişində qarşılayır. 1945-47 ci illərdə Berlinin bərpasında iştirak edir.Döyüşlərdə dəfələrlə yaralanmış, bədənində qəlpələr qalmışdı.İkinci dərəcəli müharibə əlili idi.
U.Xəlilov  böyük  Vətən  müharibəsində  qöstərdiyi  iqidliyə  qörə  1-ci dərəcəli  “Vətən  müharibəsi, ”Qızıl  Ulduz “ ordenləri və çoxsay  medallarla  təltif olunmuşdur.O, 9 may qələbənin  ildönümü  qeyd  etmək  üçün  dəfələrlə  Berlinə  dəvət alırdı.Haqqında  ”Oqonyok”, Leninskiy  luç”  jurnallarında,  ”Bakı” “Kommunist” “Şən həyat” qəzetlərində geniş yazılar dərc olunmuşdur.
Qeyd edək ki, U.Xəlilov hərbi xidmətdən qayıdandan sonra yarımçıq qalan 10-cu sinifi bitirərək ADTU-nin cərrahiyə fakültəsinə daxil olur.İnstitutda ona “starik” deyirdilər.İnstitutu bitirdikdən sonraq Bakıda işə başlayır.Tələbə ikən dahi Üzeyir bəy Hacıbəyovla görüşürdü,qohumluq əlaqəsi vardı.
Umaxan həkim 1954-cü ildən doğma Qabaxçöl xəstəxanasında cərrah kimi çalışır.1959-67-ci illərdə həmin xəstəxananın baş həkimi,sonra cərrahiyə şöbəsinin müdiri işləyir.O,bacarıqlı cərrah olmaqla bərabər,müharibə veteranı və bir ziyalı kimi yaşadığı bölgənin ictimai-siyasi həyatında fəal iştirak edirdi.Xəstəxananın yeni binasının tikintisində təşəbbüs qaldırmış,tikintiyə şəxsən rəhbərlik etmişdi.
Umaxan həkim dörd övlad atası və gözəl ailə başçısı idi.Övladlarının hamısı:Tamara,Şələbiyə,Nərgiz və Nüşabə həkimdir.
Mənalı ömrünü Vətənin və Xalqın xidmətinə həsr etmiş Umaxan Abbas oğlu Xəlilov 1993-cü il dekabrın 2-də vəfat etmişdir.Ruhu şad olsun.
                                                                                                              Xutra Ramazan

0

Dövlət Komitəsinin sədri Azərbaycanda dövlət-din münasibətlərinin yüksək səviyyəsi, dövlətin dini dəyərlərə, abidələrə qayğı və diqqəti barədə danışaraq, dini-etnik zəmində qlobal təhdidlərin səngimədiyi bir zamanda Azərbaycanın multikulturalizm məkanı kimi nümunəvi model təqdim etdiyini vurğulayıb. Ramin Məmmədov qeyd edib ki, ibadət evləri insanların ibadət və dua etmələrinə xidmət etməklə yanaşı, cəmiyyətin öz dini biliklərini dərinləşdirməsinə şərait yaradır. Bu baxımdan, milli-mənəvi və dini dəyərlərimizin təbliğ edilməsində, dinin düzgün formada ictimaiyyətə çatdırılmasında din xadimlərinin üzərinə böyük məsuliyyət düşür.

Din xadimləri dövlətimizin milli-mənəvi irsimizlə yanaşı, bəşəri dəyərlərə sahib çıxmasının önəmli olduğunu vurğulayaraq, ölkəmizdə dini ibadət yerlərinin təmir və bərpasının diqqətdə saxlanılmasını, icmaların fəaliyyətinə dəstəyin göstərilməsini yüksək qiymətləndirdiklərini bildirdilər.

Tədbirdə Balakən RİH Başçısı İslam Rzayev,kənd sakinləri və digər qonaqlar iştirak etdi.

1

Macarıstan Avropa İttifaqının Ermənistana hərbi yardımını bloklayıb

Macarıstan Avropa İttifaqının (Aİ) Ermənistana 10 milyon avro (11 milyon dollar) dəyərində əlavə hərbi yardım ayırmasına blok qoyub.

Bu yardım Avropa Sülh Təşəbbüsü (EPF) çərçivəsində ayrılmalıydı.

Aİ-nin xarici siyasət rəhbəri Kaya Kallas ilin əvvəlində bu yardımın ayrılmasını təklif edib. Təsdiqlənməsi üçün ona Aİ-nin 27 üzv ölkəsinin yekdil dəstəyi lazımdır.

Macarıstandan savayı, qalan üzvlər Kallasın təklifini dəstəkləyib. Bunu Brüsseldəki diplomatik mənbə deyib. O əlavə edib ki, Aİ-nin xarici işlər nazirlərinin aprelin 14-də Lüksemburqdakı görüşündə Budapeşt qərara veto qoyub.

“Bugünkü danışıqlardan sonra irəliləyiş əldə olunmayıb”, – mənbə aprelin 15-də Azadlıq Radiosunun erməni xidmətinə söyləyib.

Ermənistan Aİ-dən ötən ilin iyulunda 10 milyon avroluq ilk hərbi yardımı alıb. Həmin vəsait növbəti iki il yarım ərzində bir batalyonluq hərbi hissə üçün səhra hospitalının və yardımçı obyektlərin quraşdırılmasına xərclənməlidir.

Macarıstan həmin vəsaitin ayrılmasını da aylarla bloklayıb, oxşar yardımın Azərbaycana da verilməsini tələb edib. Bakı ilə sıx əlaqələri olan Budapeştin vetonu Aİ-nin Azərbaycanda minaların təmizlənməsini başqa mənbədən maliyyələşdirmək vədi qarşılığında qaldırdığı deyilir.

Macarıstan Dağlıq Qarabağ münaqişəsində Azərbaycanı açıq dəstəkləyib. Azərbaycan 2020-ci ildə 44 günlük müharibə və 2023-cü ildə birgünlük hərbi əməliyyatla ərazi bütövlüyünü bərpa edib.

1

Mərkəzi Asiya respublikalarının Şimali Kipr mövzusundakı qərarlarına parlamentarimizin fikri.

“Bəzi Mərkəzi Asiya respublikalarının, konkret olaraq Qazaxıstanın, Özbəkistanın, ardınca da Türkmənistanın Cənubi Kiprdə səfirliklərinin açılması barədə qərarı acı təəssüf hissi doğurur. Ola bilsin səhv edirəm, ancaq mənə elə gəlir ki, burada Türkiyə xarici siyasətində, diplomatiyasında, müəyyən boşluqlar olub. Şimali Kipr mövzusu, Xəzərin o tayındakı türk qardaşlarımızla kifayət qədər işlənməyib”.
Bu fikirləri Milli Məclisin deputatı Nəsib Məhəməliyev səsləndirib. Millət vəkili deyib ki, sözügedən qərar, Səmərqənddə keçirilən sammitdə qəbul olunub:
“Əldə olunmuş razılaşmalara əsasən, Avropa İttifaqı Mərkəzi Asiya dövlətləri ilə əməkdaşlığın genişləndirilməsinə, xammal, nəqliyyat, yaşıl enerji, rəqəmsal bağlantı sahələrinə 12 milyard avro investisiya yatırmağı planlaşdırır. Yəqin ki, bu məsələ, Cənubi Kiprin tanınmasında həlledici rol oynamışdır”.Deputat qeyd edb ki, hər bir ölkənin xarici sərmayəyə ehtiyacı var:
“Ancaq, istənilən sərmayə, istənilən ikitərəfli iqtisadi əməkdaşlıq, ümumi strateji hədəflərdən yayındırmamalıdır. Düşünmürəm ki, Mərkəzi Aziya respublikalarına Cənubi Kiprin tanınması üçün hansısa təzyiqlər olub. Hətta şirnikləndirici təkliflər olsaydı belə, məsələnin iki tərəfli həlli, yəni Şimali Kiprin tanınması ilə bağlı şərt qoyulmalı idi. Təəssüf ki, belə olmadı”.
Bu məsələnin Türk Dövlətləri Təşkilatının gələcək perspektivinə, Təşkilat daxili münasibətlərə təsirinə gəldikdə isə, millət vəkili hesab edir ki, təbii müəyyən çatlar yaratmışdır:
“Əsas hədəf Türk birliyinin qarşısını almaqdır. Son illər, ələlxüsus 44 günlük müharibədən sonra geniş vüsət almış Türk birliyi ideyası, bir çox gücləri narahat edirdi. Gələcəkdə də, Turan ideyasına qarşı təxribatların olacağı şübhəsizdir. Ancaq, əlimizi əlimizin üstünə qoyub oturmamalıyıq. Bütün səviyyələrdə inteqrasiya prosesləri sürətləndirilməli, malik olduğumuz resurslardan səmərəli istifadə etməklə, TDT-n beynəlxalq subyektivliyinin artmasına çalışmalıyıq”.

Ramazan Abal